ئاگادارییه‌ک بۆ نووسه‌رانی به‌ڕێز

ئاگادارییه‌ك له‌ ده‌زگای‌ چاپ و په‌خشی‌ سه‌رده‌مه‌وه‌

داوا له‌ سه‌رجه‌م ئه‌و ئه‌دیب و نووسه‌ره‌ به‌ڕێزانه‌ ده‌كه‌ین كه‌ به‌ مه‌به‌ستی‌ چاپ بڵاوكردنه‌وه‌ به‌رهه‌م وبابه‌ته‌كانیان بۆ ده‌زگای‌ چاپ و په‌خشی‌ سه‌رده‌م ده‌نێرن ، ڕه‌چاوی‌ ئه‌م خاڵانه‌ی‌ لای‌ خواره‌وه‌ بكه‌ن:
1- هه‌موو بابه‌تێك یان كتێبێك ده‌بێ‌ به‌ تایپكراوی‌ و له‌سه‌ر سی‌ دی‌ بێت ، و په‌سه‌ند بكرێ‌ و نه‌كرێ‌ ، دواتر نادرێته‌وه‌ به‌ خاوه‌نه‌كه‌ی‌ .
2- ده‌بێ‌ په‌یڕه‌وی‌ له‌و ڕێنووسه‌ بكرێ‌ كه‌ ده‌زگای‌ سه‌رده‌م په‌یڕه‌ویی‌ لێ‌ ده‌كات و بۆ وه‌ده‌ستهێنانی‌ ڕێنووسه‌كه‌ش ده‌توانن سه‌ردانی‌ سایتی‌ تایبه‌ت به‌ ده‌زگای‌ سه‌رده‌م بكه‌ن (www.serdam.org) یاخود په‌یوه‌ندی‌ به‌ ده‌زگاوه‌ بكه‌ن بۆ وه‌رگرتنی‌ نامیلكه‌ی‌ چاپكراوی‌ تایبه‌ت به‌و ڕێنووسه‌ .
3- ئه‌گه‌ر بابه‌ته‌كه‌ یان كتێبه‌كه‌ وه‌رگێڕراو بوو ، ده‌بێ‌ ئه‌و ده‌قه‌ ئه‌سڵیه‌ی‌ له‌گه‌ڵدا بێت كه‌ لێوه‌ی‌ وه‌رگێڕراوه‌ .
4- ئه‌گه‌ر فۆنته‌كانی‌ (عه‌لی‌) به‌كارهێنرا با فۆنتی‌( Ali_k_sahifa ) بێت، وئه‌گه‌ر فۆنته‌كانی‌ یونیكورد به‌كارهێنرا با فۆنتی‌ ( unikurd_xani ) بێت .
5- هه‌ر بابه‌ت و كتێبێك بگاته‌ ده‌ستمان و ڕه‌چاوی‌ ئه‌م خاڵانه‌ی‌ نه‌كردبێت ، ئه‌وا ناچار ده‌بین پشتگوێی‌ بخه‌ین .
له‌گه‌ڵ ڕێز و سوپاسماندا .

ده‌زگای‌ چاپ و په‌خشی‌ سه‌رده‌م